2012 වැලිකඩ බන්ධනාගාර ගැටුම – පුද්ගලයින් 22 මියයෑම ගැන පෙත්සම විභාගයට අවසර

0
51

2012 වසරේ වැලිකඩ බන්ධනාගාර ඇති වූ ගැටුමින් පුද්ගලයින් 22 දෙනෙකු මියයාමේ සිද්ධිය සම්බන්ධයෙන් විධිමත් පරික්ෂණයක් සිදු කරන ලෙස පොලිස්පතිට නියෝගයක් නිකුත් කරන්නැයි ඉල්ලා අභියාචනාධිකරණයට ඉදිරිපත් කළ පෙත්සමක් විභාගයට අවසර ලැබී තිබේ.

ඒ අනුව ජුලි මස 07 වනදා අදාළ පෙත්සම විභාගයට ගැනිමට අභියාචනාධිකරණ සභාපති විනිසුරු රෝහිණි වල්ගම  සහ එස්. තුරෙයිරාසා යන ද්විපුද්ගල විනිසුරු මඩුල්ල තීරණය කළ බව අද දෙරණ අධිකරණ වාර්තාකරු පවසයි.

එදිනට කරුණු දක්වන ලෙස නීතිපතිවරයාට නොතීසි නිකුත් කරන ලෙස ද විනිසුරු මඩුල්ල නියෝග කර තිබේ.

ගැටුම සිදුවන අවස්ථාවේ බන්ධනාගාරයේ රැදී සිටි පුද්ගලයෙකු වන සුදේශ් චන්දිමාල් නැමැත්තා පෙත්සම ඉදිරිපත් කර ඇති අතර පොලිස්පතිවරයා, බන්ධනාගාර කොමසාරිස් ජනරාල්වරයා, අපරාධ පරික්ෂණ දෙපාර්තමේන්තුව සහ නිතිපතිරයා ඇතුලු පිරිසක් එහි වගඋත්තරකරුවන් ලෙස නම් කර ඇත.

LEAVE A REPLY