තාල පද සිරි ලෝල ගති ඇති  පේන නොකියන වීදියේ – ඇසළ

0
40

සුසුම් අතරම තනිවෙලා හිත
පාලු බව කිව් ජීවිතේ
ළයක් හුණුවන විටක මහමෙර
තබා වුව එහි ලං වෙතේ..

දුරක් වුව සිනහව දකින්නට
හෑම දාකම වෙහෙසුනේ
තුටක් දේ නම් ඉතිං සගයනි
රකිමි පපුතුර ඉඩ ඇතේ..

හැගුම් දනවන විටක ළය මත
කුළුණු සඟවා පන්හිදේ
අකුරු මත ඒ හැගුම් දුවවමි
කාරි නෑ එය හුරුව නේ..

තාල පද සිරි ලෝල ගති ඇති
පේන නොකියන වීදියේ
සාමුවන් ලෙස දිවිගෙවයි නම්
කාට අවනඩු නොම දැනේ ..

සීතලත් ඇවිදින් තුරුළු වන
විටක හංගමි එය ඇඟේ
උණුසුමක් අවැසියි සිතන විට
ලොවම කියවමි පොත් පිටේ..

– ඇසළ

LEAVE A REPLY